Wuměnjenja za wobdźělenje na wubědźowanju „Sakski fonds Čiń sobu“ – Namołwa do wubědźowanja w nalěću 2019

Štó móže so wobdźělić?

Přinoški zapodać móža přirodne wosoby, kotrež su znajmjeńša 18 lět stare a bydla w gmejnach wokrjesow Budyšina abo Zhorjelca we łužiskim rewěrje abo we wokrjesomj Lipsku a Sewjernej Sakskej a w měsće Lipsku w srjedźoněmskim rewěrje.

Swoje projektowe ideje móža nimo toho zapodać towarstwa, zwjazki a iniciatiwy, komory, wědomostne institucije, šule a wysoke šule, komunalne zarjadnišća, załožby a socialni nošerjo, kiž chcedźa projektowu ideju we wokrjesomaj Budyšinje a/abo Zhorjelcu we łužiskim rewěrje abo we wokrjesomaj Lipsku a Sewjernej Sakskej a w měsće Lipsku w srjedźoněmskim rewěrje realizować.

Štó je z wobdźělenja wuzamknjeny?

Wobdźělić so njesmědźa politiske strony a wolerske skupiny, iniciatiwy bjez prawokmanosće, přirodne a juristiske wosoby, kiž su wotedali wobkrućenje město přisahi po § 802c porjada za ciwilnoprawniske procesy we wersiji wozjewjenja z dnja 5. decembra 2005 (BGBl. I str. 3202; 2006 I str. 431; 2007 I str. 1781), naposledk změnjenej přez artikl 2 zakonja z dnja 12. julija 2018 (BGBl. I str. 1151), abo § 284 porjada wo wotedawkach we wersiji wozjewjenja z dnja 1. oktobra 2002 (BGBl. I str. 3866; 2003 I str. 61), naposledk změnjenej přez artikl 6 zakonja z dnja 18. julija 2017 (BGBl. I str. 2745), abo kiž su winowaći, tute wobkrućenje wotedać, kaž tež přirodne a juristiske wosoby, kotrychž ideologiske, politiske abo nabožne wusměrjenje zaměrej a wobsahej wubědźowanja njewotpowěduje.

Na kotre wokrjesy móža so projektowe ideje poćahować?

Za wubědźowanje zapodate přinoški/projektowe ideje móža so jenož na wokrjesaj Budyšin abo Zhorjelc we łužiskim rewěrje abo na wokrjesaj Lipsk a Sewjerna Sakska a na město Lipsk w srjedźoněmskim rewěrje poćahować.

Hdy je kónc doby zapodaća?

Přinoški móža so z online-formularom hač do 15. apryla 2019, 24.00 hodź., zapodać. Za pósłanje z póstom płaći póstowy kołk 15. apryla 2019 (z tym je online-frankěrowanje wuzamknjene).

Ke kotrym temam móža so ideje zapodać?

Wubědźowanje wobsahuje slědowace tematiske wobłuki, za kotrež móža so jedna abo wjacore projektowe ideje zapodać:

(1) Wobydlerjo za „Myto ReWIR“

Za sylnjenje angažementa wobydlerjow regiona a widźomne podpěrowanje akterow ciwilneje towaršnosće móža so zajimcy z projektowej ideju wo tute myto požadać. Na zakładźe podaća wočakowanych projektowych kóštow so projekt wotpowědnemu schodźenkej mytowanja přirjaduje.

Přikład: Projekt płaći brutto 3.500 €. Z tym so awtomatisce  schodźenkej „mały projekt hač do 5.000 €“ přirjaduje. Jeli ideja dobudźe, budźe so z 3.500 € mytować.

  • wulki projekt hač do do 30.000 € (1 myto)
  • srjedźny projekt hač do 15.000 € (hač do 10 mytow)
  • mały projekt hač do 5.000 € (hač do 30 mytow)
  • drobny projekt hač do 2.000 € (hač do 100 mytow)

(2) Naše dźěći a młodźina – přichodni twórcy regiona „Myto MINT“

Wjele zawodow, tola tež regionalne wědomostne institucije w rewěromaj, skorži, zo dorostowaca młodźina nima dosć zajima za techniku a přirodowědomosće. Wosebje nětko, do stukturnejeje změny, pak su runje tute tak mjenowane MINT-kmanosće (matematika, informatika, přirodowědomosće a technika), wudospołnjene z muziskimi a socialnymi kmanosćemi, w přiběracej měrje požadane. Je hižo tójšto iniciatiwow a drobnych naprawy, kaž dźěłowe zjednoćenstwa w tutym wobłuku, kotrež pak často nimaja dosć pjenježnych srědkow. Tohodla maja so projekty mytować, kotrež k polěpšenju kmanosćow dźěći a młodostnych, we wobłuku MINT přinošuja. Na zakładźe podaća wočakowanych projektowych kóštow so projekt wotpowědnemu schodźenkej mytowanja přirjaduje.

Přikład: Projekt płaći brutto 3.500 €. Z tym so awtomatisce schodźenkej „mały projekt hač do 5.000 €“ přirjaduje. Jeli ideja dobudźe, budźe so z 3.500 € mytować.

  • wulki projekt hač do             15.000 € (hač do 3 mytow)
  • srjedźny projekt hač do          10.000 € (hač do 10 mytow)
  • mały projekt hač do               5.000 € (hač do 25 mytow)
  • małuški projekt hač do           2.000 € (hač do 100 mytow)

(3) Łužica/Srjedźna Němska so hiba! „Myto mobility“

Wažne wuměnjenje za Łužicu a Srjedźnu Němsku jako atraktiwna domizna a městno dźěła je spjelnjenje wšelakich potrjebow nastupajo mobilitu a docpějomnosć w přichodźe. W tutym wobłuku maja so tuž inowatiwne přistupy mytować, tež za wupruwowanje nowych konceptow mobility. Na zakładźe podaća wočakowanych projektowych kóštow so projekt wotpowědnemu schodźenkej mytowanja přirjaduje.

Přikład: Projekt płaći brutto 3.500 €. Z tym so awtomatisce schodźenkej „mały projekt hač do 5.000 €“ přirjaduje. Jeli ideja dobudźe, budźe so z 3.500 € mytować.

  • wulki projekt hač do               20.000 € (hač do 3 mytow)
  • srjedźny projekt hač do          15.000 € (hač do 5 mytow)
  • mały projekt hač do               10.000 € (hač do 10 mytow)
  • 50 x drobny projekt hač do            5.000 € (hač do 50 mytow)

(4) Łužica – žiwa dwurěčnosć

W tutym wobłuku budu so ideje a namjety mytować, kotrež spěchuja wužiwanje serbšćiny a sylnjenje serbskeje identity a z tym pomhaja, serbowace zhromadźenstwo skrućić. Wo mytowanju rozsudźi přidatna jury. Na zakładźe wočakowanych kóštow za zwoprawdźenje projekta so požadar sam jednomu z pjećoch schodźenkow wubědźowanja přirjaduje.

Přikład: Projekt płaći brutto 3.500 €. Z tym so awtomatisce schodźenkej „mały projekt hač do 5.000 €“ přirjaduje. Jeli ideja dobudźe, budźe so z 3.500 € mytować.

  • wulki projekt hač do             20.000 € (hač do 3 mytow)
  • srjedźny projekt hač do          10.000 € (hač do 4 mytow)
  • mały projekt hač do             5.000 € (hač do 10 mytow)
  • małuški projekt hač do           2.000 € (hač do 20 mytow)
  • wosebite projekty                   500 – 1000 € (hač do 9 mytow)

Kak móžeće so wobdźělić?

W formularje dyrbiće přinošk za wubědźowanje skrótka wopisać a jón na zakładźe někotrych prašenjow posudźować. Zapodata ideja njesmě dnja 15. měrca hišće realizowana być, ale ma być ideja za nowy projekt z cilom a wočakowanym wuskutkom. Z wobdźělenskim online-formularom pósćelće prošu slědowace podłožki:

  • kontaktowe daty
  • titl projekta
  • wopisowanje projekta (maks. 2000 znamješkow)
  • košty zwoprawdźenja projekta

Přinoški móža so z online-formularom abo z póstom zapodać. Formular je na internetnej stronje www.mitmachfonds-sachsen.de za downloadowanje přistupny.

Bjerje so popłatk za wobdźělenje?

Zasadnje so za wobdźělenje popłatk njezběra. Nastawace kóšty w zwisku z požadanjom dyrbi wobdźělnik sam zapłaćić.

Kajke prawa za wužiwanje a komercielne wužiwanje maja so wobkedźbować?

Požadar ma za zapodatu ideju awtorske prawa. Požadar je winowaty, nošerjam wubědźowanja za swój zapodaty přinošk wšitke prawa přewostajić, kotrež su za rozmnoženje/wozjewjenje ideje a za wabjenske zaměry trěbne. Požadarjo nošerja předewšěm awtorizuja, zo smě informacije wo projekće abo wosobinskim wukonje hišće do mytowanja publikować.

Ze zapodaćom podłožkow tomu přihłosujeće, zo so Waše mjeno abo Waša institucija kaž tež Waša projektowa ideja wozjewi, budźe-li so Waš přinošk we wubědźowanju mytować. K tomu słuša tež wysokosć pjenježneho myta.

Kotre winowatosće a zamołwitosće su z wobdźělenjom zwjazane?

Wobdźělnik so zawjazuje, zo ze swojim wubědźowanskim přinoškomdo mytowanja njezapočnje a zo pjenježne myto za jeho zwoprawdźenje zasadźi. Za „wulke projekty“ a „srjedźne projekty“ (t. r. srjedźny a wysoki schodźenk mytowanja) ma mytowany hač do termina, kotryž nošerjo projekta předpodadźa, znajmjeńša třistronsku wěcnu rozprawu wo stawje zwoprawdźenja a wuhladach na docpěće zaměra projekta wotedać.

Ze zapodaćom wubědźowanskeho přinoškawobdźělnik tomu přihłosuje, zo smědźa so nošerjo projekta za zaměry zjawnostneho dźěła a tež za přihoty posedźenjow jury z nim skontaktować. Rozsudźace gremije tutoho wubědźowanja móža so po potrjebje tež direktnje z Wami skontaktować, hdyž su dalše detaile trěbne.

Nimo toho wobkrućiće korektnosć podatych informacijow. Wopačne informacije wjedu k wuzamknjenju z wubědźowanja. Wobdźělnik je winowaty, nošerjej projekta kóždy čas wěrne informacije wo stawje realizacije projekta podać. Dohlad do posudkow zapodatych projektow we wubědźowanju njeje předwidźany. Hódnoćenja projektow so njewozjewja.

Štóž so wobdźěli, čini to na swój riziko a swoju zamołwitosć. Wobdźělnik je za korektnosć swojich we wobłuku wubědźowanja podatych datow zamołwity. Podaća dyrbja wěrne być.

Wobdźělenje je jeničce móžne, hdyž wobdźělnicy nahrawanju widejow a zwukow, zhotowjenju fotow a tež jichpozdźišemu njewobmjezowanemu wužiwanju ze stron nošerjow a jich kooperaciskich a medijowych partnerjow přihłosuja.

Što su kriterije za posudźowanje?

Fachowe pohódnoćenje ze stron jury a wuzwolenje projektow za mytowanje wotměje so na zakładźe slědowacych kriterijow (z rozdźělnej wahu):

1. docpěje-li so pozitiwny wuskutk za wjele ludźi, na př. za žiwjenski wobswět, za zwyšenje atraktiwnosće wot strukturneje změny potrjecheneje kónčiny/komuny, hač słuži wolóženju wšědneho dnja abo polěpši docpějomnosć

2. wothłós w zjawnosći

3. wukon přinoška za sylnjenje začuća zhromadnosće w potrjechenym regionje

4. modelowy charakter tež za druhe městnosće/regiony

5. praktiska realizujomnosć

6. wusměrjenje na wěstu cilowu skupinu (na př. dźěći, šulerjo, młodźina, studenća, swójby, dźěławi, wuměnkarjo etc.), zo by so na jich problemy w zwisku ze strukturnej změnu reagowało.

Štó zapodate přinoški pohódnoći?

Prěnje pruwowanje přewjedźe projektowy team nošerjow na zakładźe posudźowanskich kriterijow.

Mytowanych wuzwoli jury, kotraž so zestaja ze zastupjerjow potrjechenych wokrjesow, komunow, hospodarstwa a dźěłarnistwow, šulow a wysokich šulow, kultury, čestnohamtskich ludźi kaž tež statneho knježerstwa a dalšich wažnych akterow ciwilneje towaršnosće. Hódnoćenje a wuzwolenje přinoškow w kategoriji, kotraž so z wosebitymi wužadanjemi strukturneje změny za serbski lud zaběra, přewozmje jury, kotraž wobsteji přewažnje ze zastupjerjow serbskeho ludu.

Kak wo dobyću zhonju?

Po posedźenju jury dóstanu wšitcy požadarjo pisomnje abo elektronisce informaciju, hač k mytowanym słušeja. Z tutej informaciju dóstanu tež formular a ewtl. přeprošenje na zakónčace zarjadowanje. Na formularje  maja detaile za dalši wotběh projekta wobkrućić a bankowy zwisk za wupłaćenje pjenježneho myta podać.

Kotre kriterije za wupłaćenje myta płaća?

Pjenježne myta maja so za zwoprawdźenje mytowaneje projektoweje ideje zasadźić. Myta za „wulke projekty“ a „srjedźne projekty“ (t. r. srjedźny a wysoki schodźenk mytowanja) so w dwěmaj etapomaj wupłaća: prěnja połojca po mytowanju, druha połojca pak hakle po wotedaću a pruwowanju wěcneje rozprawy (hlej winowatosće) přez nošerja. Pjenježne myta wšěch dalšich schodźenkow so jako cyłkowna suma po mytowanju wupłaća. Jeli so projektowa ideja zwoprawdźić njehodźi, ma wobdźělnik wupłaćene myto nošerjej wróćić.

Hdy so mytowanje wotměje?

Zjawne mytowanja wotměja so na swjatočnym zarjadowanju w juniju 2019 we wotpowědnym regionje.

Kak so Myto publikuma wuzwoli?

Myto publikuma we wysokosći 15.000 € spožči so po wuslědku online-wothłosowanja. Štó myto dóstanje, rozsudźa wobydlerjo wotpowědneho regiona online. Dokładne postupowanje za Myto publikuma so hišće zdźěła a wozjewi.

Kotre zasady datoweho škita płaća?

Płaćace zasady za škit datow móžeće na stronje „Škit datow“ čitać.

Kónčne wozjewjenje

Ze zapósłanjom požadanskich podłožkow akceptuje wobdźělnik wuměnjenja za wobdźělenje kaž tež zakłady datoweho škita. Lěpšeje čitajomnosće dla so mjez splahomaj wuraznje njediferencuje, přiwšěm so podaća přeco na wobaj splahaj poćahuja.